Introducziun dalla carta d’identitad biometrica naven dils 2 da november 2026
Las tiaras dall’Uniun Europeica (UE) emettan dapi il 2021 mo pli cartas d’identitad biometricas per motivs da segirtad. La nova carta d’identitad svizra cun chip ei il model orientaus al futur e duei possibilitar a Svizras e Svizzers da viagiar ell’UE.
Burgheisas e burgheis Svizzers san, tenor basegns, eleger denter las duas cartas d’identitad:
Carta d’identitad biometrica
- Cun chip, fotografia, suttascripziun ed impronta dil det
- Recumandau per viadis enteifer l’UE
- Cunquei ch’ei sto vegnir registrau datas biometricas, succeda la damonda sulettamein tiels centers da documents d’identitad cantunals a Cuera e Zernez. Ils termins san ins fixar sut: www.schweizerpass.ch.
Carta d’identitad buca-biometrica
- Senza chip ed impronta dil det
- Sufficient sco legitimaziun enteifer la Svizra
- Quella carta d’identitad sa vegnir emessa sco tochen dacheu tier l’administraziun communala Tujetsch, Via Alpsu 62, 7188 Sedrun
- Cartas d’identitad buca-biometricas ch’ein vegnidas emessas avon l’introducziun dalla nova carta d’identitad biometrica restan valeivlas entochen alla data da scadenza.
Differenza denter la carta d’identitad biometrica e l’e-ID
Tier ils dus products setracta ei da sligiaziuns differentas ed independentas ina da l’autra che vegnan enquala scumbigliadas. La carta d’identitad biometrica ei in document fisic. Ella survescha all’identificaziun el mintgadi e possibilitescha plinavon viadis el territori da l’UE.
L’e-ID ei in supplement gratuit tier la carta d’identitad fisica. Ei setracta d’ina identitad electronica culla quala ins sa s’identificar el mund digital. Ella vegn egl avegnir ad esser disponibla sur l’app swiyu Wallet sil telefonin. L’e-ID ei buc in document da viadi. L’introducziun ei previda duront l’emprema mesadad digl onn 2027.
Ulteriuras informaziuns tier la carta d’identitad biometrica e l’e-ID anflan ins sut: www.fedpol.admin.ch/laufende-projekte
Controlla da habitonts Vischnaunca Tujetsch