Stanza da sesida plaun terren
La stanza da seduta ha plaz per 20 persunas.
In finistel ei avon maun (click-share).
Stanza da seduta 1. alzada
La stanza da seduta ha plaz per 15 persunas.
In finistrel grond (ch’ins sa colligiar cun HDMI e USB) sesanfla ella stanza.
Stanza da seduta 2. alzada
La stanza da seduta ha plaz per 10 persunas.
In finistrel ei avon maun (click-share).
Halla plurivalenta Dulezi
Halla plurivalenta
La halla da gimnastica ei adattada per gruppas da rodund 60 persunas. Gardarobas e duschas sesanflan gest sper la halla.
Per occurrenzas porscha la halla plaz per 420 persunas. Meisas e suppias stattan a disposiziun.
Ina preit per presentaziuns (3x4m) ed aultplidaders ein avon maun, in beamer vegn mess a disposiziun tenor damonda.
Sala Cristalla
La sala Cristalla (10 x 12 m) ei ina stanza da seduta fetg moderna.
Ella porscha plaz per entochen 140 persunas (senza mobilias). Cun meisas e suppias han 80 persunas plaz.
In finistrel grond ( ch’ins sa colligiar cun HDMI) sesanfla ella stanza.
Local d’entrada
Il local d’entrada ei adattaus per aperitivs entochen 80 persunas. Ella pintga cuschina che sesanfla gest dasperas eisi pusseivel da preparar las spisas.
Plazza da sport Dulezi
Plaz da ballapei
sin damonda inclusiv gardarobas e duschas
Plazza da sport dir
sin damonda inclusiv gardarobas e duschas
Scola Sedrun
Halla da gimnastica
Sin fundament dallas prescripziuns vertentas dalla polizia da fiug ei il diever dalla halla da gimnastica limitaus sin maximal 50 persunas.
La halla da gimnastica ei perquei adattada specialmein per fiastas privatas pli pintgas, emprovas da musica e trenaments sco era ulteriuras occurrenzas en rama pintga.
Beamer, ina preit per presentaziuns ed ulteriura tecnica stattan a disposiziun.
Era la tribuna ei adattada per producziuns pli pintgas.
Aula
L’aula ei ca. 9×15 m gronda. Tier occurrenzas d’informaziun han rodund 130 persunas plaz.
Tier ulteriuras occurrenzas cun meisas e suppias san circa 80 persunas prender plaz ella stanza.
In beamer, ina preit per presentaziuns ed in microfon ein avon maun.
Scola Rueras
Halla da gimnastica Rueras
La halla da gimnastica a Rueras sa vegnir nezegiada da pintgas gruppas (15-20 persunas) per far gimnastica.
