Ils 3 da matg 2026 ha igl emprem scrutini dallas elecziuns communalas giu liug. Igl ei buca reussiu d’occupar tut ils posts, aschia ch’ei basegna in secund scrutini. Il secund scrutini ha liug dumengia, ils 14 da zercladur 2026.
Sin fundament da quella situaziun supplichescha il biro electoral gruppas da votantas e votants da silmeins 5 persunas da nominar candidat(a)s per il suandont post:
Per l’elecziun all’urna:
- 1 candidat(a) per la suprastonza communala
La gliesta ufficiala per nominar candidat(a)s sa vegnir retratga dall’administraziun communala ed ei accessibla cheu.
Las gliestas cun las propostas ein d’inoltrar entochen dumengia, ils 10 da matg 2026 all‘administraziun communala Tujetsch, biro electoral, Via Alpsu 62, 7188 Sedrun.