Project
Elecziuns communalas
- Elecziun d’in president communal
- Elecziun da 4 commembers dalla suprastonza communala
- Elecziun da 3 commembers dalla cumissiun da gestiun
- Elecziun da 2 commembers dil cussegl da scola
Pusseivladads da votar
Ei vegn dau caschun da votar all’urna:
venderdis 01-05-2026 10.00 – 12.00 en canzlia communala
dumengia 03-05-2026 10.00 – 11.00 en canzlia communala
Serrada dallas urnas
Las urnas vegnan serradas dumengia, ils 3 da matg 2026 allas 11.00.
Prescripziuns da votar
Tgi che fa diever dalla votaziun per correspondenza ei obligaus da:
- suttascriver la carta da votar sin la part davos (cass cuntrari ei la vusch nunvaleivla)
- metter ils cedels da votar en la cuviarta e serrar giu quella
- metter la cuviarta pintga che cuntegn ils cedels da votar en la cuviarta gronda
- la carta da votar ei da suttascriver e metter ella cuviarta gronda ensemen cun la cuviarta pintga (buca metter la carta da votar en la cuviarta pintga)
- dar giu ni tarmetter il material da votar entochen il di dalla votaziun alla canzlia communala.
Ils cedels da votar d’ulteriurs commembers da famiglia vegnan pri encunter all’urna, mo sch’ei vegn observau las prescripziuns che valan da votar sin via da correspondenza (purtar carta da votar suttascretta entras igl adressat e cedels empleni ora en ina cuviarta neutrala serrada giu!).
Las prescripziuns per votar sin via da correspondenza ein era indicadas sin la carta da votar. Havess enzatgi buca obteniu ils documents necessaris per la votaziun, san quels vegnir retratgs posteriuramein dalla canzlia communala, tel. 081 920 47 80, entochen venderdis, ils 1 da matg 2026, allas 10:00.
Propostas inoltradas
Per las elecziuns dils 3 da matg 2026 (emprem scrutini) ei vegniu inoltrau las suandontas propostas:
President communal (1)
Martin Cavegn, 1970, fiduziari/guardiaselvaschina, Sedrun (veder)
Suprastonza communala (4)
Daniel Schmid, 1972, interprendider, Sedrun (veder)
Nicole Giossi, 1976, emploiada mercantila/pura, Rueras (veder)
Guido Monn, 1964, interprendider, Sedrun (veder)
1 candidat(a) maunca
Cumissiun da gestiun (3)
Silvio Schmid, 1959, expert da turissem, Gionda (veder)
Renato Decurtins, 1963, emploiau da banca, Sedrun (niev)
Pius Cavegn, 1963, interprendider, Sedrun (niev)
Cussegl da scola (2)
Ronny Levy, 1976, electricist, Sedrun (veder)
Gian Riedi, 1987, menader da manteniment, Rueras (niev)
Ulteriuras informaziuns (tenor la lescha davart ils dretgs politics)
- Sper ils/las candidats/as ein era persunas che figureschan buca sin quella gliesta da candidats eligiblas.
- Per l’elecziun dalla suprastonza communala vala il pli absolut.
- Per l’elecziun dalla cumissiun da gestiun e dil cussegl da scola vala il pli relativ.
Sedrun, avrel 2026 Il biro electoral