Museum

Historia dalla casa e Museum La Truaisch

Museum La Truaisch
Via dil Bogn 11
7188 Sedrun
Tel. 081 949 13 43
EMAIL

Plan da situaziun
Il museum muossa la veta ed il luvrar d’antruras ella Val Tujetsch. Ina stiva, ina combra da durmir e cuschina dattan in’impressiun dalla casa da pli baul. El plantiu sepresentan ils mistergners calger e scrinari. Plinavon vegnan era l’agricultura, l'alpicultura d’antruras sco era la cultura da glin presentadas a moda vasta. - Ella partiziun da mineralias secattan admirabels minerals da nos cavacrappa indigens sco era unicats ord il tunnel da basa Gottard. - Plinavon dispona il museum d'ina gronda collecziun da vischala dil Hafner da Bugnei, la quala il scribent indigen, Vic Hendry, ha schenghegiau al museum.
Survesta dall'exposiziun el Museum La Truaisch

Temps d'avertura

mardis e venderdis e l'emprema dumengia dil meins
15:00 - 18:00
stad 1. da fenadur  -  31 d'october
unviern 20 da december  -  Pastgas    
       
Prezi d'entrada carschi  7.00 frs.
affons   4.00 frs.
   
Sin annunzia sa il museum era vegnir visitaus ordeifer il temps d'avertura indicau.

Telefon 081 949 13 43 ni muesum@tujetsch.ch.

Il bi curtin e la sala dil museum stattan a disposiziun per aperitivs, sentupadas da classa e famiglia, sesidas, fiastas, cuors, seminaris, local d'exercezi ed auter.
   

Prospect general 
Museum dalla patria, historia e cultura
Il museum muossa la veta ed il luvrar d’antruras ella Val Tujetsch. Ina stiva, ina combra da durmir e cuschina dattan in’egliada ella casa da pli baul. Da rudien vegnan ils mistergners calger e scrinari mussai. Secapescha maunca buca in’egliada sill’agricultura ed alpicultura d’antruras.
 

Mineralias
Mintga treis onns (2015) vegnan las mineralias da nos cavacrappa indigens scumiadas e remplazzadas cun raritads ed exclusivitads ord las collecziuns. Nos cavacrappa indigens dattan aschia ina nudetga etichetta da qualitad al museum cun exponer da lur meglieras anfladas. Ina part d’in tschaler fuorma la gronda part dallas minearalias en possess dalla vischnaunca. Denter quellas la gronda schelta da mineralias ord il tunnel da basa Gottard cun las duas partiziuns da mineralias ord ils dus secturs dil tschancun da Tujetsch sid e nord. Il „star“ resta naturalmein il Milarit grond dalla Val Giuv, quei senza sminuir la qualitad e bellezia da tut las autras mineralias!
Prospect
Milarit

Cultura da glin
Exposiziun speciala permanenta
Il svilup dil semglin alla teila. Gl’entir process vegn presentaus cun figuras ed urdeins miniaturs.Ils indrezs d’elavuraziun ein era exponi en grondezia naturala: reffel, braha, roda da filar, plitguira, taler ed auter bia.

Exposiziun speciala 2017
"4confamigliarsCavegn"
Albert Cavegn (1931-2001) e siu fegl Leo Cavegn (*1967) e las duas feglias Regula  (*1968) e Cornelia  (*1972) presentan lur lavurs artisticas en sala ed el faner.    
Flyer: 4confamigliarsCavegn
Vernissascha, dumengia, ils 2 da fenadur 2017 allas 14:00 el Museum La Truaisch.

Nies faner
Quel presenta ils bellezia  edifecis scaffi  dils mauns dad Albert Cavegn-Deplaz. (1931-2001). La caplutta da Nossadunna a Zarcuns, entginas casas ed in clavau fuorman ina part d'in vitg tuatschin.
La Quotidiana dils 12 da fenadur 2016

Pils affons
Ti retscheivas in fegl cun diesch maletgs da caussas el museum. Ti enqueras quellas caussas e nodas ellas sil fegl culla numera ni cul num. Scalins gidan tei! Sche ti separticipeschas alla concurrenza, survegnas ti ina cristalla che ti sas eleger!
Fegl sgulont

Films e fotos
Ord ina gliesta da varga tschunconta films san ins eleger e mirar in film.Films davart cultura, usits, sport, religiun, dalla scola tuatschina, cavar cristallas, agricultura ed aunc auter. Presentaziuns da fotos muossan eveniments, cuntrada e cultura dalla val.
Survesta dils films

Documentaziun per scolasts/as e scolas (tudestg)
Descargar sco PDF

Ella pressa
La Quotidiana dils 2-7-2015 - frontispezi
La Quotidiana 2-7-2015 - text
Ella pressa LQ 01-07-2014
Die Südostschweiz,ils 7-06-2012 PDF
Bündner Tagblatt, ils 19-06-2012 PDF


Adressa postala: Adressa
electronica:
Ils guids

Cumissiun museum

Museum La Truaisch
Via Alpsu 62
7188 Sedrun
Tel. 081 949 13 43

EMAIL

Conrad Berther
Emanuel Berther
Tarcisi Hendry
Ciril Monn.

Tarcisi Hendry, president
Marlis Decurtins, actuara
Mario Hitz, gerau, ex officio


Cheu entginas caussas che Vus saveis contemplar el Museum La Truaisch:

Albert Cavegn (1931-2001)

Igl Albert ha scaffiu magnifics models da casas tuatschinas ed in clavau. Sia lavur da detagl e da gronda finezia fascinescha. Sin blocs vegnan ils edifecis presentai el faner. Els ein aschia vesibels da mintga vart, muossan aschia mintga pli pign detagl e dattan perdetga da gronda inschignusadad digl artist. Ina caplutta, entginas casas e clavaus fuorman ton sc’in vitget tuatschin. Aschia ein da contemplar la casa da Franz Loretz, Surrein; casa da Lucia Gorgerat-Monn e Wagenmann-Dorn, Sedrun; casa Hans Jacomet, Gonda; Casa Gronda, Sedrun; Casa Tumaisch Deflorin, Zarcuns; clavau dil schuldau a Dieni e la caplutta da Nossadunna a Zarcuns.