Museum

Historia dalla casa e Museum La Truaisch

Museum La Truaisch

Via dil Bogn 11
7188 Sedrun
Tel. 081 949 13 43

Il museum muossa la veta ed il luvrar d’antruras ella Val Tujetsch. Ina stiva, ina combra da durmir e cuschina dattan in’impressiun dalla casa da pli baul. En differentas partiziuns sepresentan ils mistergners calger, scrinari e fravi. Plinavon vegnan era l’agricultura, l'alpicultura d’antruras sco era la cultura da glin presentadas a moda vasta. - Ella partiziun da mineralias e cristallas secattan admirabels minerals da nos cavacrappa indigens sco era unicats ord il tunnel da basa Gottard. - Plinavon dispona il museum d'ina gronda collecziun da vischala dil Hafner da Bugnei, la quala il scribent indigen Vic Hendry ha schenghegiau.

Temps d'avertura:

Unviern: 20 da december – Pastgas
Stad: 1. da fenadur - 31 d'october

Mintgamai

mardis e venderdis	15.00 – 18.00 uras
emprema dumengia dil meins	15.00 – 18.00 uras

Prezi d'entrada:

- carschi (duront il temps ordinari)	frs. 7.00
- affons (duront il temps ordinari)	frs. 4.00

Prospect general

Sin annunzia sa il museum era vegnir visitaus ordeifer il temps d'avertura indicau. Tier giavischs per ina viseta da gruppa san ins sevolver per telefon 081 949 13 43.

Prospect 2012

Il bi curtin e la sala dil museum stattan a disposiziun per aperitivs, sentupadas da classa, sesidas ed auter.

Museum dalla patria, historia e cultura Il museum muossa la veta ed il luvrar d’antruras ella Val Tujetsch. Ina stiva, ina combra da durmir e cuschina dattan in’egliada ella casa da pli baul. Da rudien vegnan ils mistergners calger, scrinari e fravi mussai. Secapescha maunca buca in’egliada sill’agricultura ed alpicultura d’antruras.
Exposiziun speciala: Nossa scola La sala dil museum ei ina stanza da scola e la stiva biala fuorma ina scoletta. Presentaziun cun cudischs da scola, fotografias, utensils da scola, lavurs da scola ed auter bia. Informaziun Placat Historia dalla scola tuatschina
Mineralias e cristallas Ella partiziun da mineralias e cristallas secattan admirabels minerals da nos cava-crappa indigens sco era unicats ord il tunnel da basa Gottard. Speciala pareta fa il pli grond Milarit – in unicat mundial.
Turissem d’unviern Il sport da skis ed il turissem d’unviern han entschiet entuorn igl onn 1910. El faner presenta il museum requisits ord il svilup da quei sport en nossa val. Fotografias documenteschan ed in film da Lucas Berther, Sedrun, muossa co ins mava cun skis ils anno 1930.
Cultura da glin Exposiziun speciala permanenta Il svilup dil semglin alla teila. Gl’entir process vegn presentaus cun figuras ed urdeins miniaturs. Ils indrezs d’elavuraziun ein era exponi en grondezia naturala: reffel, bracha, roda da filar, plitguira, talè ed auter bia.
Films e fotos Ord ina gliesta da varga tschunconta films san ins eleger e mirar in film. Films davart cultura, usits, sport, religiun, dalla scola tuatschina, agricultura ed aunc auter. Presentaziuns da fotos muossan eveniments, cuntrada e cultura dalla val. Survesta dils films