Muossavia en cass da mortori

In mortori a casa - Muossavia en cass da mortori
(en vischnaunca)

Dar part agl uffeci parochial: 081 936 54 31 ed alla administratura 076 415 15 53.
Igl augsegner vegn bugen a casa per urar ensemen cun la famiglia en malencurada. El orientescha pli tard ils calusters.

Aschiprest che la sepultura ei fixada, vegn tauccau da miert.

Sch'il defunct ni la defuncta ei da Rueras ni Selva vegn tuccau gl'emprem leu. La sepultura ha liug denter 48 e 72 uras suenter la mort ils luverdis allas 14:00.
Dar part al miedi che ha da constatar la mort.
Dar part als tierparents ed alla canzlia communala.
Dar part agl institut da sepultura. Procurar per vestgir, metter en bara e transportar en stanza da bara.
Procurar per las annunzias ellas gasettas.
Metter ensemen las notizias biograficas per il plevon.
Procurar per ils 4 porta-bara, 1 porta-crusch e porta-tschupials per la sepultura.
Organisar il past da bara.
Fixar cul plevon il datum per la messa dil trentavel.

 

In mortori egl jester (p.ex. en spital)

Orientar il plevon per fixar il di dalla sepultura.
Dar part alla canzlia communala.
Tut igl auter sco tier in mortori a casa.

 

Cremaziun e sepultura d'urna

En santeri dat ei la pusseivladad da satrar ella en ina fossa d'urnas. Per satrar urnas en fossas existentas da parents vala igl uorden da santeri dalla vischnaunca.

 

Mortoris da carstgauns che s'audan buc tier la Baselgia catolica:

Reformai informeschan la canzlia comunala e sedrezzan agl uffeci cumpetent a Mustér. La celebraziun da malencurada sa ver liug ella baselgia parochiala. Il termin vegn fixaus cugl uffeci parochial.

En tuts auters cass sedrezzan ins per plascher directamein alla canzlia communala. Il tuccar da miert organisescha sin giavisch igl uffeci parochial. Ina eventuala celebraziun da malencurada ha liug en localitads adattadas. La famiglia en malencurada enquera sezza in oratur da sepultura. Igl uffeci parochial stat sin giavisch a disposiziun per cussegliaziun.