La caplutta da s. Antoni a Surrein
| Ord la historia | |
 | |
| 1679 | Entras la brev dils 11 da november 1679 han ils vischins da Surrein obteniu digl uestg Duri VI de Mont la lubientscha da baghegiar ina caplutta en honur da s. Antoni da Padua. |
| 1683 | Ils vischins da Surrein, Foppas e Nacla s'obligheschan visavi igl uestg, entras ina brev dils 10 da zercladur da mantener la caplutta. |
| 1700 | Ils dus altars laterals ein semeglionts agl altar grond ed ein vegni tschentai si entuorn 1700. Dretg in maletg da s.Giusep, signaus: Johann Sepp, Maler, e suren in maletg che representa s.Flurin. Igl altar seniester ei decoraus cun in maletg da Nossadunna cugl affon s.Giachen, e s. Gion evan., suren s. Gieri e s. Barla. |
| 1754 | Da quei onn datescha in urbari dalla caplutta da s. Antoni. |
| 1775 | Il zenn grond ha in diameter da 50 cm; tun: gis'; peisa ca. 80 kg. e porta l'inscripziun: |
| 1906 | ei la caplutta vegnida renovada dadens e dadora ed ha aunc survegniu vitier in pierti cun aissas. |
| 1917 | Il tetg dalla caplutta ei vegnius cuvretgs cun plattas dil Valleis. |
| 1927 | La caplutta existenta ei vegnida baghegiada quei onn. Tochen gliez onn sesanflava ella si Foppas. Oz anflein nus leu in pign sontget en honur da s. Antoni. Ins ha stuiu transloccar la caplutta muort prighel da bova. Ils altars ein restai ils veders. |
| 1947 | Restauraziun dils altars entras la firma Stöckli, Stans. |
| 1948 | Igl altar grond ha obteniu in niev maletg digl artist pictur Wanner. Maletg cun s. Antoni duront il priedi miraculus als pèschs. |
| 1960 | Novas finiastras. |
| 1982 | A S. Antoni vegn celebrau il survetsch divin mintga tschun jamnas ed il di da s.Antoni, ils 13 da zercladur. |
| 1985 | Demai ch'il tetg fuva bravamein taccaus dalla ruina eis el vegnius coluraus da niev. |
| 1987 | Nova illuminaziun. |
| 1995 | Colurau tuttas fatschadas exteriuras. Era il Sontget si Foppas ei vegnius remediaus e coluraus. |
| 2000 | Niev scaldament. |