Uorden da dispensas

Damondas per congedi fundadas dallas scolaras e dils scolars ein d'inoltrar avon l'entschatta dil congedi. Quellas ein d'inoltrar a scret dils geniturs ni dalla persuna autorisada.

1. Lubientscha/cumpetenza
Per las lubientschas da congedi ein cumpetents:

a) entochen 1 di                      il scolast da classa
b) dapli che 1 di                      il cussegl da scola

Avon e suenter vacanzas e dis da punt dat ei negins congedis.

2. Termins
Las damondas per congedi ein d'inoltrar avon ils suandonts termins:

a)   per 1 di                               treis dis avon
b)   per dapli che 1 di               ina jamna avon

3. Fuffergnadis
Las scolaras ed ils scolars vegnan envidai d'absolver lur fuffergnadi duront il temps dallas vacanzas. Tier cass motivai sa il cussegl da scola lubir tal duront il temps da scola.
Ils fuffergnadis vegnan lubi per regla suenter il secund semester dil secund davos onn da scola.
Pils scolars dalla scola reala vegn organisau ina jamna da fuffergnadi sco project  jamnil.

4. Controlla d'absenzas
Absenzas dallas scolaras e dils scolars ein da purtar el cudischet d'absenzas e ston vegnir signadas dils geniturs ni dalla persuna autorisada. Il carnet ei da mussar al scolast aschi spert sco la scolara ni il scolar vegn puspei a scola.

Quest uorden da dispensas e d'absenzas ei vegnius approbaus dil cussegl da scola ils  3-5-2001 e passa en vigur igl emprem d'uost 2001.