Agid social

Principi:

La constituziun Svizra garantescha a tuttas persunas/famiglias ella Svizra agid finanzial e cussegliaziun en situaziuns d'urgenza. Responsabla per la concessiun da quest agid ei la vischnaunca da domicil.

La dimensiun dil susteniment finanzial (agid social) sedrezza tenor las normas dil cantun Grischun.

Per eruir il dabien ord igl agid social vegn in preventiv elavuraus. Sin fundament da quel vegn il minimum d'existenza quintaus ora.

Parts integralas dil minimum d'existenza (tenor dretg social) ein:

  • Existenza da viver (pauschalisau tenor il diember da persunas el medem tenercasa)
  • Cuosts da habitar
  • Provediment medicinal da basa (premias dalla segirada da malsauns)
  • Prestaziuns individualas tenor situaziun (cuosts per la tgira d'affons entras tiarzas persunas, etc.)

Tgi che contonscha buca cun ses agens mieds (paga, prestaziuns da segiradas, rentas, etc.) il minimum d'existenza, ha il dretg sin agid social.


Co meis Vus avon, sche Vus essas en ina situaziun d'urgenza e basigneis agid finanzial?

S'annunziei persunalmein tier igl uffeci social. Leu vegn ins ad informar Vus sur dallas formalitads necessarias.


Nus anfleis Vus ulteriuras informaziuns?

Il "Beobachter" ha resummau en sia broschura "Habe ich Anspruch auf Sozialhilfe" impurtontas informaziuns. La broschura sa vegnir retratga tiel "Beobachter" (www.beobachter.ch).

Ulteriuras informaziuns porscha era la pagina d'internet dalla "Schweizerischen Konferenz für Sozialhilfe (SKOS) (www.skos.ch).


tier la partiziun Uffeci social