Votaziuns, Elecziuns

Informaziuns tier las votaziuns/elecziuns

Ad uras avon las elecziuns e votaziuns vegnan ils documents corrispundents tarmess allas persunas cun dretg da votar. Il temps d’avertura dallas urnas vegn mintgamai communicaus a mintga votant/a e publicaus ella Tuatschina.
Ha enzatgi buca obteniu ils documents necessaris per la votaziun, san quels vegnir retratgs posteriuramein dalla canzlia communala, tel. 081 920 47 80, entochen il venderdis avon la votaziun/elecziun allas 16.00 uras.

Votaziun persunala

  • Metter ils cedels da votar en ina cuviarta neutrala e serrar giu quella
  • Suttascriver la carta da votar e dar giu quella persunalmein ensemen cun la cuviarta
  • Ils cedels da votar d’ulteriurs commembers da famiglia vegnan pri encunter all’urna, mo sch’ei vegn observau las prescripziuns  che valan da votar sin via da correspondenza (purtar carta da votar suttascretta entras igl adressat e cedels empleni ora en ina cuviarta neutrala serrada giu).

Votar per correspondenza

Tgi che fa diever dalla votaziun per correspondenza ei obligaus da:

  • suttascriver la carta da votar sin la part davos (cass cuntrari ei la vusch nunvaleivla)
  • metter ils cedels da votar en la cuviarta pintga e serrar giu quella
  • metter la cuviarta pintga che cuntegn ils cedels da votar en la cuviarta gronda
  • la carta da votar suttascretta ei da metter ella cuviarta gronda ensemen cun la cuviarta pintga (buca metter la carta da votar en la cuviarta pintga)
  • dar giu ni tarmetter il material da votar entochen il gi dalla votaziun alla canzlia communala.

Las prescripziuns per votar sin via da correspondenza ein era indicadas sin la carta da votar.


Informaziuns tier votaziuns ed elecziuns cantunalas e federalas retschevis Vus sut:

Votaziuns / Elecziuns cantunalas

http://www.gr.ch/

Votaziuns / Elecziuns federalas

http://www.admin.ch/

Termis da votar annuals entochen 2020

http://www.admin.ch/


Responsabla per menar atras las votaziuns ed elecziuns ei la canzlia communala.

Il dretg da votar han tut ils burgheis Svizzers che han cumpleniu il 18avel di da naschientscha, ils quals ein buca sut ugadia. 


tier la partiziun Canzlia communala