Passaport / Carta d'identitad

Passaport / Carta d'identitad (Svizra)

Emissiun d'ina carta d'identitad Svizra

Per l'emissiun d'ina carta d'identitad ein vinavon las vischnauncas responsablas. Nus supplichein Vus da s'annunziar persunalmein al spurtegl dalla controlla da habitonts, per saver emplenir ora in formular da damonda, il qual Vus stueis suttascriver.

Nus basignein ils suandonts documents:

  • Ina fotografia da passaport actuala (musters da fotis)
  • Carta d'identitad veglia (sche avon maun)

Cuoz dalla veleivladad / Prezi

Carschi naven da 18 onns                        10 onns                frs.  70.00 (incl. porto)
Affons e giuvenils entochen 18 onns          5 onns                frs.  35.00 (incl. porto)



Passaport Svizzer

Sche Vus duvreis in niev passaport, sche obtenis Vus igl aschinumnau passaport 10, era numnaus passaport biometric ni E-Passaport. Il passaport 03 senza ed il passaport 06 cun fotografia electronica restan denton valeivels entochen la fin da lur cuoz.
Sche Vus duvreis denton urgentamein in passaport ed il temps per ina procuraziun d’in passaport ordinari tonscha buca pli, saveis Vus era empustar in passaport provisori. Quel ei denton mo valeivels pil cuoz dil viadi imminent e vegn buca renconuschius da tut ils stadis.
Sche Vus vuleis viagiar egl exteriur, sche stueis Vus urgentamein sclarir las formalitads d’entrada avon il viadi. Tut tenor tiara valan differentas pretensiuns.

Passaport 10 (passaport biometric, E-passaport)

Naven digl 1. da mars 2010 retscheivan ins il pass 10. Quel ei dotaus cun in chip, sil qual la stampa dil det, sco era la fotografia dalla fatscha ein arcunai electronicamein (E-Pass). Cun agid da quellas datas vegn la segirtad dils documents augmentada e l’explotaziun da tals engrevegiada.
Sco stadi da Schengen associau ei la Svizra obligada d’emetter sulettamein E-Pass. L’introducziun definitiva d’in pass svizzer biometric munta ina obligaziun internaziunala, la quala duei vinavon segirar la libertad da viagiar per las Svizras ed ils Svizzers en cass dall’accumpliziun da tala.

Emissiun d'in passaport biometric:
pass, sco era purschidas da combinaziun dil passaport e da carta d'identitat san vegnir empustadas egl Internet cun ina damonda ni per Telefon Tier igl uffeci pa passaport dil cantun.

Centers da documents d'identitad el cantun Grischun
Gäuggelistrasse 7
7002 Cuera
Tel. 081 257 52 20
Temps d’avertura:
Gli-gie      08:00 - 12:00 e 13:30 - 17:00
Ven          08:00 - 16:00 atras

Cuoz dalla veleivladad / Prezi 

Carschi naven da 18 onns 10 onns frs. 145.00 (incl. porto)
Affons e giuvenils entochen 18 onns   5 onns frs.   65.00 (incl. porto)

 


Combi - Passaport Svizzer e la carta d'identitad


Passaport 2010/combi (passaport e carta d’identitad)
In passaport 2010 ni in passaport 2010 en cumbinaziun cun ina carta d’identitad san ins mo pli retrer tier il center da documents d’identitad a Cuera e Zernez. Per l’emissiun ston ins far giu in termin, u per telefon ni electronic sur http://www.schweizerpass.ch. Las fotos vegnan fatgas direct els centers. Ils suandonts documents ein da prender cun ins: in mussament dall’identitad e dil domicil (document dallas scartiras deponidas, attest da domicil, disposiziun da taglia eav.) Ils passaports e las cartas d‘identitad vegls ein era da prender cun ins.

Cuoz dalla veleivladad / Prezi 

Carschi naven da 18 onns 10 onns frs. 158.00 (incl. porto)
Affons e giuvenils entochen 18 onns   5 onns frs.   78.00 (incl. porto)

 

Temps da furniziun:
Il cuoz maximal naven dall'endataziun Dallas datas biometricas egl Center d'endataziun, cuntegn 30 dis da lavur.


Passaport provisori (passaport d'urgenza)

Pertgei in passaport provisori?
En situaziuns urgentas, nominalmein

  • sch’il tierm da 10 luverdis tonscha buca pli per l’obtenziun d’in pass ordinari,
  • sche Vus saveis buca presentar in pass valeivel (p.ex. sche Vus haveis piars quel cuort avon Vies viadi),
  • sch’il pass valeivel corrispunda buc allas pretensiuns dalla tiara da destin

sa l’instanza responsabla per la procuraziun – egl interiur l’instanza da pass cantunala, egl exteriur la proxima representanza svizra –gidar Vus entras la procuraziun d’in pass provisori. In tal vegn procuraus pil tierm da dimora egl exteriur previu, denton per maximalmein 12 meins.


Cuoz dalla veleivladad / Prezi
Carschi ed affons                          max. 12 meins                 frs. 100.00


Ir avon tier la sperdita d'in document

La sperdita d'in document (passaport ni carta d'identitad) sto vegnir annunziaus immediat alla polizia dil liug da domicil. Cun l'annunzia da sperdita sa in niev document vegnir dumandaus el liug pertuccont.

Documents, ils quals ein vegni annunziai sco piars, vegnan declarai nunvaleivels ed astgan buca pli vegnir duvrai. Vegn in document piars puspei anflaus, sto el vegnir daus giu all'autoritad ch'ei responsabla per emetter tal.


Links:

Carta d'identitad e passaport

www.schweizerpass.ch
www.ch.ch
www.gr.ch

 


tier la partiziun Controlla da habitonts