Lubientscha d'emprender d'ir cun auto

Damonda per ina lubientscha d'emprender d'ir cun auto

Ils formulars per la damonda saveis Vus retrer tier la controlla da habitonts e tier igl uffeci per il traffic ni emplenir ora directamein cheu (Nus supplichein da squitschar ora il formular mo sin pupi alv).

Avon che tschentar la damonda stueis Vus schar controllar Vossa vesida entras in opticher (ni miedi). Il resultat vegn impurtaus directamein el formular per la damonda. La controlla sto buca succeder sche Vus haveis gia ina lubientscha da manischunz d'ina autra categoria ed il corrispundent examen schai buca dapli che 2 onns anavos.

Las annexas necessarias ein enumeradas sil formular per la damonda.


Brattar la lubientscha da manischunz blaua

Sche Vus vuleis brattar Vossa lubientscha da manischunz blaua en ina lubientscha en fuorma d'ina carta da credit (FAK) saveis Vus retrer il formular per la damonda tier la controlla da habitonts e tier igl uffeci per il traffic ni emplenir ora tal directamein cheu. (Nus supplichein da squitschar ora il formular mo sin pupi alv).

Il formular sto vegnir suttascrets cun colur nera. Plinavon sto ina fotografia da passaport en colur vegnir taccada sil formular el plaz previu. Silsuenter saveis vus tarmetter a nus il formular ensemen cun la lubientscha da manischunz blaua (tier midada da num ni dil liug d'origin era aschuntar ina copia dalla carta d'identitad). 

 

www.gr.ch


tier la partiziun Controlla da habitonts