Termins d'annunzia

Annunzia / Trer neutier

Cordial beinvegni en nossa vischnaunca!

Nus supplichein Vus da s'annunziar persunalmein enteifer 8 dis tier la controlla da habitonts damai che nus basignein entginas indicaziuns e divers documents da Vus.

Sch'igl ei buca pusseivel per Vus da s'annunziar persunalmein, supplichein nus Vus dad emplenir ora il formular d'annunzia el spurtegl online e da tarmetter ils documents necessaris cun la posta.

Nus basignein ils suandonts documents:

Svizzers / Svizras

  • Attest d'origin
  • Cudischet da famiglia (sch'ei setracta d'ina famiglia che trei neutier) 
  • Attest dalla segirada da malsauns
  • Cudischet da militar ni da schurmetg civil

Persunas digl exteriur 

  • Passaport
  • Attest d'jasters (sche avon maun)
  • 1 nova foto da passaport
  • Attest dalla segirada da malsauns (tier famiglias per tut il commembers)

Plinavon basignein nus il formular "Gesuch Ausländerbewilligung" emplenius ora.                  .

La taxa d'annunzia vegn tschentada quen digl Uffeci da polizia e dretg civil dil cantun Grischun.

Dimora duront l'jamna

  • Attest da domicil per dimora duront l'jamna

Taxa d'annunzia: frs. 30.00 


Midada d'adressa / Bardigliada

Nus supplichein Vus dad annunziar ina midada d'adressa enteifer 8 dis.

Ina midada d'adressa saveis Vus communicar a nus persunalmein, a scret, per telefon ni cun il formular "midada d'adressa" el spurtegl online.

Nus basignein las suandontas indicaziuns:

Svizzers / Svizras

  • Nova adressa
  • Alzada, situaziun dalla habitaziun
  • Datum dalla bardigliada 
  • Bardiglida dad ulteriurs commembers dalla famiglia 
  • Cudischet da militar ni da schurmetg civil

Persunas digl exteriur

  • Nova adressa
  • Alzada, situaziun dalla habitaziun
  • Datum dalla bardigliada
  • Badigliada dad ulteriurs commembers dalla famiglia
  • Attest/s d'jasters

Annunziar giu / Trer naven

Nus supplichein Vus da s'annunziar giu persunalmein al spurtegl, per che nus sappien surdar a Vus las scartiras.

Sch'igl ei buca pusseivel per Vus da cumparer persunalmein al spurtegl, supplichein nus Vus d'emplenir ora il formular "annunzia partenza" el spurtegl online. Las scartiras ch'ein deponidas tier nus vegnin nus a tarmetter cun la posta.

Tier Svizzers/Svizras basignein nus:

  • Datum dalla partenza
  • Nova adressa
  • Quittanza per la retschevida dallas scartiras
  • Mussament d'identitad (passaport ni carta d'identitad)
  • Cudischet da militar ni da schurmetg civil

Vus retscheveis in certificat d'origin per l'annunzia tier in auter liug da dimora en Svizra ni egl exteriur.

Tier persunas digl exteriur basignein nus:

  • Datum dalla partenza
  • Nova adressa
  • Attest d'jasters

Vus retscheveis in attest da partenza per l'annunzia en Vies niev liug da domicil en Svizzra e per Vossa cassa da malsauns.


tier la partiziun Controlla da habitonts