Procedura lubientscha da baghegiar

Nies uffeci da baghegiar cusseglia bugen Vus per telefon ni persunalmein tier damondas da baghegiar ni autras damondas en connex cul baghegiar.

Per projects da construcziun che basegnan ina lubientscha sto ina damonda da baghegiar vegnir inoltrada tier igl uffeci da baghegiar. Ils formulars per la damonda san vegnir retratgs tier igl uffeci da baghegiar ni electronicamein el spurtegl online.

Tier projects pli gronds cussegliein nus als patruns da construcziun da prender si ad uras contact cugl uffeci da baghegiar. Las damondas da baghegiar inoltradas vegnan examinadas entras igl uffeci da baghegiar. Documents che mauncan san vegni pretendi supplementarmein. La damonda vegn publicada egl organ da publicaziun ufficial dalla vischnaunca Tujetsch (La Tuatschina) ed exponida publicamein duront 20 dis. Duront ils temps dall'exposiziun publica san persunas, las qualas ein legitimadas da far protesta, far ina protesta argumentada.


tier la partiziun Uffeci da baghegiar